ආයුබෝවන්

Sunday, February 5, 2012

මොනවද මේ QR Codes ?

නවීන පාරිභෝගික භාණ්ඩ, ඉලක්ටොනික උපාංග හෝ ලිපි ද්‍රව්‍ය වල මුද්‍රණය කර ඇති කළු පැහැති ඉරි සමූහයක් වැනි බාර් කෝඩ් හා සමාන ඊට වඩා බොහෝ සෙයින් උසස් හැකියාවන්ගෙන් සමන්විත කේත ක්‍රමයක් ලෙස QR Codes හදුන්වා දිය හැක. මේ කේතය ඉතා ඉක්මනින් ස්කෑන් කර තොරතුරැ ලබා ගත හැකි නිසා Quick Response Code - QR Code ලෙස නම් කර ඇත. බාර් කෝඩ් වල දී දත්ත ගබඩා වනුයේ ඒක මාන ලෙස නමුත් QR Code එකක දී තොරතුරැ ගබඩා වනුයේ ද්වි - මාන සමචතුරස්‍රයක් තුල වූ කුඩා කොටු රටාවක ආකාරය ගත් කේත ක්‍රමයකට ය.මෙහි ඇති ප්‍රධාන වාසිය නම් බාර් කෝඩ් එකකට වඩා වැඩි තොරතුරැ ප්‍රමාණයක් සෙ.මි. 2 තරමේ කොටුවක අඩංගු කළ හැකි වීම යි.


QR Codes  මුලින්ම භාවිතයට ගැනුනේ රථ වාහන කාණ්ඩ කිරීමේ කේතය ක් ලෙස යි. ටොයෝටා සමාගමේ  හවුල්කාර සමාගමක් වන ඩෙන්සෝ සමාගම විසින් 1994 දී මෙය ප්‍රථම වරට දියූණු කරන්නට යෙදුනු අතර මෙහි ඇති වෙගවත් බව හා ධාරිතාවය නිසා QR Codes ඉතා ඉක්මනින් ජනප්‍රිය වී ඇත. ජපානය , ඇමෙරිකාව හා යුරෝපීය රට වල QR Codes  ඉතා ප්‍රචලිතව පවතී.මෙහි ඇති විශේෂත්වය නම් ‍භෞතික ලෝකය හා ඩිජිටල් ලෝකය එක් කරවන මාධ්‍යයක් ලෙස QR Codes  ක්‍රියා කිරීම යි.  මෙම කේත ක්‍රියාත්මක තත්වයට පත්කර ගැනීමට අවශ්‍යතා දෙකක් සම්පූර්ණ කල යුතු ය. පළමු අවශ්‍යතාවය වනුයේ QR Codes   කියවිය හැකි QR Code Reader  මෘදුකාංගයක් ඔබ සතුව තිබීම යි. එසේ ම මෙම මෘදුකාංගය ස්ථාපනය කල හැකි , කැමරාවක් සහිත පුද්ගල පරිඝණකයක් හෝ ටැබ්ලට් පරිඝණකයක් හෝ ස්මාට් දුරකථනයක් දෙවැනි අවශ්‍යතාවය වේ.QR Codes  වලින් වැඩිම ප්‍රයෝජනයක් ගත හැක්කේ ස්මාට් දුරකථන වැනි ජංගම උපාංගයක් සමග භාවිතා කිරීමේදී ය.

QR Codes  එකක් තුල අක්ෂර 4296 ක් හෝ අංක පමණක් නම් 7096 ක් උපරිම වශයෙන් ගබඩා කල හැකි ය.මේ නිසා වෙබ් ලිපින , වෙළද නාම , නිෂ්පාදන , ලිපින , දුරකථන අංක හා අවශ්‍ය නම් තමාගේ නම් පත වුව ද ඇතුලත් කර QR Codes තැනිය හැක.මෙහි ඇති තවත් විශේෂත්වයක් වනුයේ දුරකථන කැමරාව යොමුකර QR Codes Reader  එකක් මගින් කේතය ස්කෑන් කල පසු ස්වංක්‍රීයව අදාල වෙබ් අඩවියට ඉතා කෙටි කාලයකින්( තප්පර 5 ක්) යොමු වීමට හැකි වීම යි.  කේතය තුල නම් පතක් ගබඩා කර ඇති විට එය ස්වංක්‍රීයව දුරකථනයේ Contact List  එකට එකතු කිරීමේ හැකියාව ද මෙයට පවතී.දියුණු රටවල බස්රථ හා දුම්රිය කාලසටහන් මේ තාක්ෂණය යොදා මුද්‍රණය කර ඇත. එසේම ඉතා කුඩා ඉඩක් තුල වැඩි තොරතුරැ ප්‍රමාණයක් රැදවිය හැකි නිසා මෙය වාසිදායක ප්‍රචාරක ක්‍රමයකි. QR Codes  වල ඇති කේතයන් මැකීයාම ,ඉරී යාම හෝ වෙනත් හේතු නිසා කියවීමට නොහැකි වුවහොත් එය නිවැරදි කරගෙන කේතය කියවීමේ හැකියාව ද ( Error correction) මේ යාන්ත්‍රණයට ඇත.


ඕනෑම කෙනෙකුට තමන්ට අවශ්‍ය තොරතුරැ ඇතුලත් කර තමාගේ ම QR Code  එකක් තනා ගත හැකි ය. ඒ සදහා පහත දැක්වෙන වෙබ් අඩවි පහසුකම් සලසා දි තිබේ.
http://www.i-nigma.com/CreateBarcodes.html
http://www.zxing.appspot.com/generator

Wednesday, July 6, 2011

facebook account එක සොරා ගෙන ද?

මේ දවස් වල facebook උන්මාදේ දරැණුවට ම තියෙනවා කියලා තමයි සමීත්ෂණ වාර්‍තා පෙන්නුම් කරන්නේ.‍ඒ අස්සේ account hack කරලා කියලත් අසන්න ලැබෙනවා.මං මේ ලිපිය ලියන්නේ ‍facebook හදපු කට්ටිය account security වැඩි කරන්න එකතු කල උපක්‍රමයක් ගැන නොදන්න කට්ටිය ට දැනුම් දෙන්න.

කවුරැ හෝ ඔබේ facebook ගිණුම භාවිත කරමින් සිටිනවා ද? ඔබ net cafe භාවිතා කරන්නෙක් නම් ඔබ නොදැනුත්ම හෝ ඔබේ රහස්‍ය පදය නැත්නම් facebook තොරතුරැ  එහි තැන්පත් කලා ද?ඔබේ රහස් පදය ඔබ නිතර නිතර ‍වෙනස් කලත් ඔබේ පැරණි ඕනැම රහස් පදයක් මගින්ගිණුම තුලට ඇතුලු විය හැකි උපක්‍රම තිබෙන බව ඔබ දන්නවා ද?
ප්‍රථමයෙන් facebook  හැක් කරන ප්‍රධාන ක්‍රම ගැන   සලකා බලමු.
1. facebook phishing
phishing ක්‍රමය හැක් කිරීමට බහුලවම භාවිතා කරන ක්‍රමය යි.මෙම ක්‍රමය හුදෙක් facebook ගිණුමට පමණක් ‍නොව e-mail ගිණුමට ද බැලපෑම් සිදු කරයි.මෙහි දී සිදු වනුයේ ‍facebook log in පිටුවට සැම අතින් සමාන ව්‍යාජ log in පිටුවක් දර්ශනය කර  පුද්ගලයා මුලා කොට එම ව්‍යාජ පිටුවට login තොරතුරැ ඇතුලත් කරන්නට සලස්වා කි තොරතුරැ සොරා ගෙන ගිණුම හැක් කිරීම යි.හැකර් කරැවන් google,yahoo,My space  වැනි ජනප්‍රිය වෙබ් අඩවි වල log in පිටු වලට  පවා සමාන ව්‍යාජ පිටු නිර්‍මාණය කර අන්තර්ජාලයට මුදා හරී.මෙම උපක්‍රම වලින් මිදීමට ඇති සරලම ක්‍රමය log in පිටුවේ URL තීරැව https://www.facebook.com/login.php ලෙස දැක්වේදැයි සැකහැර හදුනාගැනීම යි.මේ සදහා ඔබේ ගිණුමේ account settings වෙත ගොස් security කොටසේ Surf Facebook with a secure connection (https) whenever possible ලෙස සලකුණු කිරීම අවශ්‍ය වේ.

2.keylogging
මෙහිදී සිදුවන්නේ දුරස්ථ ව ස්ථාපනය කල keylogger(spyware) වැඩසටහනක් මගින් ගොදුරැ කර ගත් පරිගණක වල ඔත්තු බැලීමයි.මෙම වැඩසටහන් ගොදුරැ කර ගත් පරිගණක වල සිදුකරන සෑම යතුරැලියනයක්ම(key strokes) ලොග් සටහනකට එක් කොට හැකර් කරැට වර්‍තා කරයි.ඇතැම් වැඩසටහන් වලට තිර දර්ශන(screenshots) ග්‍රහනය කොට හැකර් කරැට ලබා දීමට පවා හැකියාවන් පවතී. උදාහරන ලෙස Snipper SPY,Winspy,Real Time Spy,KeystrokeSpy හැදින්විය හැක.ඔබේ පරිගණකයේ හොද වයිරස් Guard එකක් ස්ථාපනය කොට තිබීමත් firewall සක්‍රීය කර තිබීමත් මින් මිදීමට ප්‍රමාණවත් වේ.
3.social engineering
මෙම උපක්‍රමයේ දි ගොදුර ඉතා සියුම් ලෙස ප්‍රශ්න කර රහස් පද හා ආරක්ෂක පැනයට පිළිතුර සොරා ගැනීම සිදු වේ.අන්තර්ජාලගත වී සිටින විට online form දර්ශනය කර ඊට තොරතුරැ ලබා ගැනිම(sweepstakes) ,ව්‍යාජ ලෙස ජාලයට ඇතුල් වී Network administrator ලෙස පෙනී සිට අවසර පදය විමසීම හෝ ජාලය තුල කිසියම්
දෝෂයක් හට ගෙන ඇතැයි ඒත්තු ගන්වා දෝෂ නිරාකරණයට අවසර පදය විමසීම , ඉතා සංවේ දී කරැණු දක්වා හා මිත්‍ර ශීලි වී රහස් පද ලබාගැනීම වැනි විධි ක්‍රම මෙහි දී බහුලව භාවිත වේ.එබැවින් සුපරික්ෂාකාරී ලෙස  අන්තර්ජාලගත වීම හා ක්‍රියා කිරීම වැදගත් වේ.

4.e-mail address hack
ඔබගේ ප්‍රාථමික e-mail ලිපිනය hack කර එමගින් forget password ක්‍රමය මගින් facebook රහස් පදය reset කිරීමට අයැදුම් කර ප්‍රාථමික e-mail ලිපිනයට නව reset email එක ගෙන්වා ගැනිම තුලින් ගිණුම සොරා ගැනීම ත් ප්‍රකට ව සිදු වේ.එම නිසා අප්‍රකට හෝ නිෂ්පල ප්‍රාථමික e-mail ලිපිනයක් භාවිතා කිරිම ඥාණාන්විත වේ.

හත දැක්වු සියලු වංචනික ක්‍රියා වලින් ආරක්ෂාවීමට ක්‍රමයක් සපයාදීමට facebook නිර්‍මාණකරැවන් කෘතඥ වී ඇත.මේ සදහා ඔබේ ගිණුම තුලට ලොග් වී ඉහල දකුණු පස ඇති tab තුලින් Account Settings වෙත පිවිසෙන්න.දැන් settings tab එකේ Account Security වෙත පිවිසී Account Activity වෙත යොමු වන්න.දැන් ඔබට මීට පෙර ඔබේ ගිණුමට ලොග් වු සෑම පරිගණකයක්ම හා  මීට පෙර ඔබ ජංගම දුරකථනයකින් ලොග් වුවා නම් ඒවා ද ඔබට දිස්වෙනු ඇත.එපමණක් නොව එම පරිගණකය හෝ උපාංගය ඇති ස්ථානය හා ලොග් වී සිදු කල ක්‍රියාකාරකම් පවා ලබා දිමට facebook නිර්‍මාණකරැවන් කරැණාවන්ත වී ඇත.මෙම ලැයිස්තුවේ ඔබ නොදන්නා device එකක් දිස්වූවා නම් ඔබ කල යුත්තේ එහි දකුණු පස ඇති end activity ක්ලික් කිරීම යි.මෙමගින් එම device එකෙන් එබේ ගිණුමට මින් පසු ඇතුල්විමට කරන උත්සහයන් ව්‍යර්ථ වනු ඇත.
ඔබට තවදුරටත් ගිණුම සුරක්ෂිත කිරිමට අවශය නම් Login Notifications හා Login Approvals
කොටස් වල ඇති පහසුකම් සක්‍රීය කල හැක.ඔබේ ගිණුමට ලොග් වු වහාම කෙටි පණිවුඩයකින් (SMS) එය දැනුම් දීමට පවා පහසුකම් facebook අඩවිය සපයා ඇත. 

Saturday, July 2, 2011

ලොව රහසිගතවම පවත්වාගෙන යන ස්ථාන 10

මනුෂ්වයා වනාහි අරැම පුදුම ජිවියෙක් බව අප දනිමු.එහෙත් ඹහුට සමස්ථ මානව සංහතියෙන්ම වසන් කිරීමට තරම් රහස් ඇති බව දන්නවාද? මේ එසේ ලොව රහසිගතවම පවත්වා ‍ගෙන යන ස්ථාන 10 පිළිබද වයි.
10 . RAF Menwith Hill (UK)
බ්‍රිතාතන්‍ය යුධ හමුදාවට අයත් මෙම කදවුර ලෝක ECHELON  නම් රහස් ඹත්තු ජාලයට සම්බන්ධ සුවිසල් චන්ද්‍රිකා මධස්ථානයක් හා සන්නිවේදන අතුරැකඩ කි( Communications intercept).මිසයිල අනතුරැ හැගවීම් මධස්ථානයක් ලෙසද හදුන්වන මෙය ට ලොව කොතැනක හෝ ගුවන්ගත කරන මිසයිලක් ගැන තොරතුරැ ප්‍රථමයෙන්ම ලබා ගත හැකි නිසා ලොව විශාලතම ඉලෙක්ට්‍රොනික ඹත්තු බැලීමේ  මධස්ථානය ලෙස හදුන්වයි.
9.Club 33 , Disneyland California (USA)
සාමාන්‍ය ජනතාවට තහනම් වූ ලොව සුපිරි ධනවතුන්ගේ ‍ෙපෘද්ගලික  සම්භාෂණ වලට පමණක් සීමා වූ ඉස්තරම් ම හා මිල අධිකම මත්පැන් සහිත ඩිස්නිලන්තයේ New Orleans Square හි පිහිටි මෙම රහස් සමාජ ශාලාවේ සමාජිකත්වය සදහා ‍ඩොලර් 30,000 ක් හා වසර 14 ක් පොරොත්තු  ලේඛනයේ සිටීම අනිවාර්ය වේ.
8.Bohemian Grove California (USA)
ලොව බලගතුම පුරැෂයන්ට පමණක් සමාජිකත්වය ගත හැකි මෙම කදවුරැ භූමිය 1872 ස්ථාපිත කරන ලද අක්කර 2700 විසිරැනු ප්‍රදේශයක පිහිටා ඇත.ජනාධිපතිවරැ,අමාත්‍යවරැ,සමාගම්(තෙල්,බැංකු,අවි ආයුධ,මූල්‍ය) අධක්ෂවරැ,ඉහළ යුධ හමුදා  නිලධාරීන් මෙහි අමුත්තන් වේ.
7.The Vatican Secert Archives (Vatican City)
වතිකානුවේ පිහිටි මෙම ලේඛනාගාරයට ඇතුල් වීමට අවසර ඇත්තේ පාප් වහන්හසේට පමණක් වන අතර සියලු පාප් වහන්සේලා ගේ ‍පෘද්ගලික ලිපි ලේඛන ,රාජකීය ලේඛන හා වසර 75 වඩා පැරණි ආගමික ලේඛන සැතැපුම් 52 ක් පමණ දුරකට රාක්ක ගත කර ඇති බවට සැලකේ.
6.Lascaux Caves ( France)
ආදි ගල් යුගයට අයත් ගුහා සිතුවම් සහිත මෙම ලෙන් සංකීර්ණයට ඇතුලුවිමට අවසර  දී ඇත්තේ විද්‍යාඥයන් අතලොස්සකට පමණි.ඒ සතියකට විනාඩි 20 ක් පමණ කාලයක ටයි.
5.Pine Gap ( Australia)
ඹස්ට්‍රේලියා හා ඇමෙරිකානු රජයන් ඒකාබද්ධව පවත්වා ගෙන යන චන්ද්‍රිකා මධස්ථානයක් ( Satellite tracking station ) වන මෙයට ඇතුල්වීම හා අඩි 18,000  ක ගුවන් තහනම් කලාපයක් පවතී.ECHELON ඔත්තු ජාලයට සබැදි මෙම මධස්ථානය තුල ඇමරිකානු ආරක්ෂක ඒජන්සියට ( NSA) හා CIA සංවිධානයට අයත්  නිලධාරීන් 800 පමණ සේවය කරන බවට සැලකේ.රහස් අවි ආයුධ තැනීම හා පරික්ෂණය,රහස් සන්නිවේදන කටයුතු වැනි මෙහෙයුම් මෙහි සිදු කරන බවට සැක කරයි.
4.Metro 2 ,Moscow ( Russia)
රහස් භූගත උමං මාර්‍ග ජාලයක් වන මෙය මොස්කව් පොදු උමං දුම්රිය ජාලයට සමාන්තරව අඩි 50 ත් 200 ත් අතර ගැඹුරින් පිහිටි මාර්‍ග 4 කින් සමන්විත වේ.සෝවියට් සමූහආණ්ඩු සමයේ  දි ජෝසප් ස්‍ටාලින් විසින් තනන ලද මෙය D-6 කේත නාමයෙන් හදුන්වන අතර සෝවියට් ජාතික ආරක්ෂක ඒජන්සියත්( KGB) රැසියානු රහස් ඔත්තු සේවයත් ( Russian Secret Service) පරිහරණ‍ය කරයි.එහෙත් මෙහි පැවැත්ම ගැන තොරතුරැ කිසිවෙක් සනාථ නොකරයි.
3.Room 39, Pyongyang ( North Korea)
Room 39(Bureau 39) ලෙස හදුන්වන රහස් සංවිධානයක් නීතිවිරෝධි අවි ආයුධ, මත් ද්‍රව්‍ය,මුදල් ජාවාරමේ යෙදෙන බවට සැක කරයි.මෙම සංවිධානයට අයත් බැංකු ගිණුම් 10 -20 අතර ප්‍රමාණයක් චීන,ස්විස්ටර්ලන්ත බැංකුවල පවතී.මෙය උතුරැ කොරියාවේ පාලක කම්කරැ පක්ෂ ගොඩනැගිල්ලේ ස්ථානගතව ඇතැයි විශ්වාස කෙරේ.
2.Mezghorye ( Russia)
රැසියාවේ පිහිටි අත්හැරදමන ලද නගරයක් වන මෙහි ඇති Yamantaw කදුකර ප්‍රදේශය තුල ඉතා රහසිගතව පවත්වා ගෙන යන න්‍යෂ්ටික බලාගාරයක් හෝ භුගත බංකර සමූහයක් පවතින බව විශ්වාස කරයි.මෙහි න්‍යෂ්ටික මිසයිල අංගනයක් වන බවටද විශ්වාස කරයි.මෙහි යුධ හමුදා බලඇණි 2 ක් ස්ථීරවම රදවා ඇති අතර රැසියානු රජය මෙය න්‍යෂ්ටික යුද්ධය කදී නායකයින්ට සැගවීමට තැනූ බංකරයක් බව පවසයි.
1.Area 51 ,Nevada ( USA)
ඇමෙරිකානු ගුවන් හමුදාවට අයත් පරීක්ෂණ ධාවන පථයක් වටා ඇති මෙම ප්‍රදේශය ගැන ඇමෙරිකානු රජය කරැණු දැක්වීමෙන් වැලකී සිටින අතර එය සිතියම් කර ද  නැත. මෙම ප්‍රදේශය ගැන චන්ද්‍රිකා ජායාරෑප ද ගත නොහැකි අතර ඇතුල්වීම සපුරා තහනම් ‍වේ.අතිශයින්ම රහස් වු මෙහෙයුම්, රහස් ඔත්තු යානා ගුවන් ගත කිරීම් ,අති බිහිසුණු අවි ආයුධ පරීක්ෂණ කටයුතු සිදු කරන බවට සැලකේ.මීට අමතරව පිටසක්වල ජිවීන් හා යානා( UFO) සම්බන්ධ ඉතා රහසිගත කටයුතු පිළිබදවත් සැකයක් පවති.
video


මම බොලොග් කරණයට නවකයෙක්මි.මේ මගේ ප්‍රථම ලිපිය වන බැවින් ඔබලාගේ අදහස් අපේක්ෂා කරමි.